«Реал» дарвозабони Тибо Куртуа Испания чемпионатининг 10-тури доирасида «Барселона»га қарши кечадиган «Эл Класико»да иштирок этишдан умидини узгани йўқ. Аввалроқ Мадрид клуби гриппга чалинган белгиялик дарвозабон баҳсда қатнаша олмаслигини маълум қилганди. Бироқ The Athletic нашри хабарига кўра, Куртуа ҳали ҳам майдонга тушишни режалаштирмоқда.
Манба маълумотларига кўра, дарвозабон вазиятга оптимистик қарамоқда ва «Эл Класико»да ўйнашни истаяпти. Шунга қарамай, «Реал» футболчининг ҳолати борасида эҳтиёткорлик билан иш тутмоқда.
Якуний қарор Куртуанинг кечқурун ўзини қандай ҳис қилишига боғлиқ бўлиши мумкин. Шу сабабли унинг баҳсда иштирок этиши ҳозирча сўроқ остида қолмоқда.
Маълумот учун, «Барселона» ва «Реал» Испания чемпионатининг 10-турида ўзаро тўқнаш келади.
Эслатиб ўтамиз, «Эл Класико» 25 октябр куни Тошкент вақти билан 26 октябрга ўтар кечаси соат 01:00 да бошланади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади