Спорт курашлари бўйича Ўзбекистон миллий жамоаси Қозоғистонда ўтаётган жаҳон чемпионатида дастлабки медалига сазовор бўлди. Юнон-рум кураши бўйича 60 кг вазн тоифасида иштирок этган Алишер Ғаниев бронза медалини қўлга киритди.
Маълумот учун, ўтган йилги жаҳон чемпионатида финалга қадар етиб борган Ғаниев бу сафар учинчи ўрин учун баҳсда германиялик рақибидан устун келди. Шу тариқа у жаҳон чемпионатларидаги медаллари сонини иккитага етказди.
