«Реал»нинг собиқ футболчиси Мигел Паленсия Мадрид клуби бош мураббийи Жозе Моуринио «Эл Класико»да «Барселона»га мағлуб бўлган тақдирда ишдан бўшатилиши мумкинлиги ҳақидаги хабарларга муносабат билдирди. У бу маълумотларни журналистларнинг уйдирмаси деб атади.
«Мен «Реал» «Барселона»га мағлуб бўлса, Моуриниони ишдан бўшатиши мумкинлиги ҳақидаги хабарларни кўрдим. Аммо бу мутлақо бемаънилик, журналистларнинг тўқимаси. «Реал» аста-секин кучайиб бормоқда ва мавсум бошидагига қараганда қизиқарлироқ ўйин намойиш этмоқда. Битта баҳс натижаси ҳеч нарсани ўзгартирмайди», — деди Паленсия «Yevro-Futbol.Ru» нашрига берган эксклюзив интервюсида.
Собиқ футболчи фикрини давом эттирар экан, Моуринионинг аввал ҳам «Барселона»га йирик ҳисобда мағлуб бўлганидан кейин «Реал» билан Испания чемпионлигини қўлга киритганини эслатди.
«Моуринио «Барселона»га 0:5 ҳисобида мағлуб бўлган, аммо охир-оқибат «Реал» билан чемпионликни қўлга киритган», — дея қўшимча қилди у.
Маълумот учун. «Реал» ва «Барселона» Испания чемпионатининг 10-тури доирасида ўзаро баҳс олиб боради.
Эслатиб ўтамиз. «Эл Класико» 25 октябр куни Тошкент вақти билан 01:00 да бошланади.
