«Real» darvozaboni Tibo Kurtua Ispaniya chempionatining 10-turi doirasida «Barselona»ga qarshi kechadigan «El Klasiko»da ishtirok etishdan umidini uzgani yo‘q. Avvalroq Madrid klubi grippga chalingan belgiyalik darvozabon bahsda qatnasha olmasligini ma’lum qilgandi. Biroq The Athletic nashri xabariga ko‘ra, Kurtua hali ham maydonga tushishni rejalashtirmoqda.
Manba ma’lumotlariga ko‘ra, darvozabon vaziyatga optimistik qaramoqda va «El-Klasiko»da o‘ynashni istayapti. Shunga qaramay, «Real» futbolchining holati borasida ehtiyotkorlik bilan ish tutmoqda.
Yakuniy qaror Kurtuaning kechqurun o‘zini qanday his qilishiga bog‘liq bo‘lishi mumkin. Shu sababli uning bahsda ishtirok etishi hozircha so‘roq ostida qolmoqda.
Ma’lumot uchun, «Barselona» va «Real» Ispaniya chempionatining 10-turida o‘zaro to‘qnash keladi.
Eslatib o‘tamiz, «El Klasiko» 25-oktyabr kuni Toshkent vaqti bilan 26-oktyabrga o‘tar kechasi soat 01:00 da boshlanadi.
Muxlislar bu yangilikni Telegram’da muhokama qilmoqda
Izohlar Telegram’da ochiladi