«Бавария» форварди Ҳарри Кейн Германия Бундеслигаси 34-турида «Кёлн»га қарши баҳсда хет-трик қайд этди.
Англиялик ҳужумчи ушбу учрашувдаги голлари орқали Бундеслигадаги мавсумий ҳисобини 36 тага етказди ва «Олтин бутса» пойгасидаги етакчилигини янада мустаҳкамлади.
Бундеслига коэффициенти 2 га тенг бўлгани сабаб Кейн айни пайтда 72 очко жамғарган.
Иккинчи ўринда бораётган «Манчестер Сити» ҳужумчиси Эрлинг Ҳоланд ҳисобида 26 гол ва 52 очко мавжуд.
Мадриднинг «Реал» клуби ҳужумчиси Килиан Мбаппе эса 24 гол ва 48 очко билан учинчи поғонани эгаллаб турибди.
