Италия спорт вазири Андреа Абоди мамлакат миллий жамоаси ҳақидаги гаплари туфайли ҳазилини муҳокама қилиб олиш учун ФИФА раҳбари Жанни Инфантино билан гаплашмоқчи.
Италияликлар қаторасига учинчи марта жаҳон чемпионати финал босқичига чиқа олмади. Интервюда Инфантино ҳазиломуз шаклда мусобақада иштирокчилар сонини кенгайтиришни таклиф қилди – шунда Италия ҳам саралаш босқичидан муваффақиятли ўтишини таъкидлаб.
«Италия ва Мексика ўртасидаги катта масофа туфайли ҳаммаси телефон орқали муҳокама қилиш учун қулай – албатта, агар Инфантинонинг шундай имконияти бўлса. Унинг позициясини шахсан эшитмоқчиман», - дея Абодининг сўзларини келтиради ANSA нашри.
Эслатиб ўтамиз, Женнаро Гаттузо жамоаси плей-офф финалида Босния ва Герцеговинага ютқазиб қўйди (1:1, 1:4 пеналтилар серияси).
Маълумот учун, АҚШ, Канада ва Мексикада бўлиб ўтадиган ЖЧ-2026 11 июндан 19 июлгача бўлиб ўтади.
