Франция миллий жамоаси ҳужумчиси ва сардори Килиан Мбаппе бош мураббий Дидие Дешамнинг ишига юксак баҳо берди.
Маълумот учун, Дешам 2012 йилдан буён миллий жамоани бошқармоқда.
Жаҳон чемпионати якунлангач, мутахассис ўз лавозимини тарк этиши кутилмоқда.
«2012 йил жамоага келгач, у ички тартибни ўрнатди. Оғир даврдан кейин одамларда яна миллий жамоага меҳр уйғонишида Дешам ўта муҳим рол ўйнади. Бугун эса одамлар ўзгаришларни истамоқда, уларни тушунаман. Бироқ баъзилар Дешамнинг Франция учун қилган ишларини қадрсизлантиришга уринаётгани мени ранжитмоқда. Назаримда, одамлар миллий жамоада шундай мураббий борлиги билан қанчалик омади чопганини тушуна олишмаяпти», - дея Мбаппе сўзларидан иқтибос келтирди L'Équipe.
