Дортмунднинг «Боруссия» клуби ҳужумчиси Серу Гирасси Чемпионлар лигаси умумий босқичининг 1-турида «Вилярреал»га қарши баҳсда дубл қайд этди. Дортмундликлар 3:2 ҳисобида ғалаба қозонди.
Гирасси баҳс якунида уч бор тўпни дарвозага йўллади, бироқ голлардан бири ўз дарвозасига киритилди. Шу тариқа, унинг «Боруссия» сафида Чемпионлар лигасидаги голлари сони 19 тага етди. Сқуаwка хабарига кўра, ҳужумчи ушбу кўрсаткич бўйича Роберт Левандовскини ортда қолдирди. Полшалик футболчи дортмундликлар сафида турнирда 17 та гол урган.
«Боруссия»нинг Чемпионлар лигасидаги энг яхши тўпурари эса Марко Ройс бўлиб қолмоқда. Унинг ҳисобида 24 та гол бор.
Маълумот учун, Гирасси «Боруссия» сафига 2024-йил ўрталарида «Штутгарт»дан келиб қўшилган. «Вилярреал»га қарши баҳс гвинеялик футболчи учун дортмундликлар сафидаги 100-баҳси бўлди. У ушбу ўйинларда 64 та гол урган.
