«Интер Майами» ҳужумчиси Лионел Месси 2026 йилги «Олтин тўп» учун номзодлар рўйхатидан жой олиб, футбол тарихидаги ноёб рекордни ўрнатди.
CentreGoals нашрининг Х ижтимоий тармоғидаги хабарига кўра, Месси «Олтин тўп» номинациясида илк ва сўнгги бор қайд этилиши орасидаги 20 йиллик фарқ билан рекорд ўрнатган. Аргентиналик футболчи илк бор 2006 йилда дунёнинг энг яхши футболчилари қаторидан жой олган. Умуман, у 20 йил давомида 17 марта ушбу совринга номзод бўлган.
Месси ўтган мавсумда МЛС чемпионлигини қўлга киритиб, лиганинг энг яхши футболчиси деб топилди. Шунингдек, Аргентина миллий жамоаси билан 2026 йилги Жаҳон чемпионати финалига қадар етиб борди.
Маълумот учун, Месси фаолияти давомида саккиз марта «Олтин тўп»ни қўлга киритган.
