MLS мунтазам чемпионати навбатдаги тур доирасидаги баҳсда «Интер Майами» ва «Атланта Юнайтед» жамоалари ғолибни аниқлай олишмади. Форт-Лодердейлдаги «Ню Стедиум» ўйингоҳида бўлиб ўтган беллашув 2:2 ҳисобида якунланди.
32-дақиқада «Интер Майами»нинг бразилиялик яримҳимоячиси Каземиро ҳисобни очди — унга Лионел Месси голли узатмани етказиб берди. Орадан уч дақиқа ўтиб, «Атланта» Мигел Алмироннинг голи эвазига мувозанатни тиклади.
Танаффус арафасида мезбонлар яна олдинга чиқиб олди: 45+1-дақиқада Луис Суарес ўз номига гол ёздириб қўйган бўлса, Сеговия самарали узатмани амалга оширди.
87-дақиқада «Атланта» мағлубиятдан қутулиб қолди. Брил Эмболо пеналтини муваффақиятли амалга ошириб, якуний ҳисобни ўрнатди — 2:2.
Таъкидлаш лозим, 73-дақиқада Мигел Алмирон пеналтини голга айлантира олмади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади