Кили Гонсалес — «Интер Майами» бош мураббийи

«Интер Майами» Кили Гонсалес билан жамоанинг янги бош мураббийи бўлиб ишлаш бўйича келишувга эришилганини эълон қилди.

Аргентиналик 52 ёшли мутахассисга АҚШда ишлаш учун рухсатнома олиш қолди. Ҳозирча эса «Интер Майами»нинг амалдаги бош мураббийи Гиллермо Ойос ўз вазифасини вақтинча давом эттиради, дея хабар берди Флорида клубининг расмий сайти.

Гонсалеснинг сўнгги иш жойи Аргентинанинг «Платенсе» клуби бўлган. У ўтган йили жамоани тарк этган. Аргентина миллий жамоасининг собиқ вингери «Унион Санта-Фе» ва «Росарио Сентрал» клубларида ҳам бош мураббий сифатида ишлаган.

Лионел Месси тўп тепаётган «Интер Майами» МЛСнинг Шарқий конференциясида 21 та ўйиндан сўнг 2-ўринни эгаллаб турибди. Жамоа пешқадам «Нэшвилл»дан 10 очко ортда қолмоқда.