«Атлетико» клуби бош мураббийи Диего Симеоне жамоанинг форварди Хулиан Алвареснинг йўқлиги ҳақидаги саволга жавоб берди.
Аввалроқ, аргентиналик саломатлиги билан боғлиқ муаммо туфайли уч кундан буён «Атлетико»нинг жамоавий машғулотларида иштирок этмаётгани ҳақида хабарлар тарқалганди.
«Ҳозир барча саволлар Хулиан ҳақида бўлишини яхши тушуниб турибман. Аммо ҳозир бор эътиборим «Севиля»га қаратилган, Алварес эса бу баҳсда иштирок эта олмайди», — деди Симеоне матбуот анжуманида.
Эслатиб ўтамиз, Ла Лига 3-тури доирасидаги «Севиля» - «Атлетико» ўйини шанба, 29 август куни бўлиб ўтади. Мазкур баҳс Тошкент вақти билан 00:30да старт олади.
