Италиянинг «Милан» клуби вингери Рафаэл Леау фаолиятини Туркия чемпионатида давом эттириши мумкин.
Журналист Саша Таволерининг хабар беришича, «Галатасарой» «Милан» билан 27 ёшли португалиялик трансфери бўйича музокараларни давом эттирмоқда. Турк гранди яқин соатлар ичида яхшиланган янги таклиф юбориши кутилмоқда. Манбанинг таъкидлашича, Леаунинг ўзи «Галатасарой»га кўчиб ўтиш вариантига қизиқиш билан қарамоқда.
Аввалроқ, «Милан» футболчисини 35 миллион евро эвазига Туркияга қўйиб юборишни истамади.
Маълумот учун, ўтган мавсумда вингер барча мусобақаларни инобатга олганда 31 ўйинда майдонга тушиб, 10 та гол урди ва 3 та голли узатма етказиб берди.
