«Манчестер Сити» ва Испания миллий жамоаси яримҳимоячисининг агенти Пабло Баркеронинг маълум қилишича, футболчи «Барселона»га ўтиш қарори ҳақида Мадрид клубини шахсан хабардор қилган.
«Ўзини бенуқсон тутган «Реал»га ҳурмат юзасидан Родри «Барселона»га ўтишга қарор қилганини клубга шахсан маълум қилди», - дея Баркеронинг сўзларидан иқтибос келтиради El Larguero.
Яримҳимоячининг «Манчестер Сити» билан амалдаги шартномаси 2027 йилнинг ёзига қадар мўлжалланганди.
Трансфермаркт портали футболчининг нархини 55 миллион еврога баҳоламоқда.
Эслатиб ўтамиз, Родри Жаҳон чемпионати-2026нинг энг яхши футболчиси деб топилган эди, финалда Испания миллий жамоаси Аргентинани қўшимча бўлимларда (1:0) урилган гол эвазига мағлуб этди. Ушбу мусобақада испаниялик барча саккизта ўйинда майдонга тушди.
Маълумот учун, Родри 2019 йилнинг ёзидан бери «Манчестер Сити» сафида тўп тепмоқда. У «шаҳарликлар» сафида жами 298 та ўйин ўтказиб, 28 та гол урган ва 32 та голли узатмани амалга оширган.
