«Милан» Леау трансфери бўйича «Галатасарой»нинг 35 млн евролик таклифини рад этди

«Милан» «Галатасарoй»нинг Рафаэл Леау бўйича таклифини рад этди.

Журналист Яғиз Сабунчиўғлининг маълум қилишича, Туркия клуби португалиялик вингер учун 35 миллион евро таклиф қилган, аммо италияликлар бу таклифга рад жавобини берган. «Россонери» футболчи учун 50 миллион евро талаб қилмоқда.

Леау ўтган мавсумда А Серияда 29 та ўйин ўтказиб, 9 та гол урган ва 3 та самарали узатмани амалга оширган.

Маълумот учун, Рафа фаолияти давомида «Лилл» ва «Спортинг» клубларида ҳам ўйнаган.