«Реал» сафига ўтган Ян Диоманде «Лейпциг» мухлислари билан хайрлашди. Ивуарлик 19 ёшли футболчи 125+15 миллион евро эвазига «қаймоқранглилар» сафини тўлдирганди.
«Лейпцигдан беҳад миннатдорман. Клуб ва унинг раҳбарияти бир йил аввал менга ишонди, гарчи ўша пайтда профессионал даражада атиги бир нечта ўйин ўтказган бўлсам ҳам. Улар менга имконият беришди ва энг юқори савияда ўзимни кўрсатишимга шароит яратишди. Шу ерда мен Европанинг энг кучли чемпионатларидан бирида ўз ўрнимни топдим, Кот-д'Ивуар миллий жамоасидан жой олдим ва мамлакатим шарафини жаҳон чемпионатида ҳимоя қилиш бахтига муяссар бўлдим. Буларнинг барчаси «Лейпциг»сиз амалга ошмас эди ва бунинг учун доимо миннатдор бўлиб қоламан. «Реал»га ўтиш — болаликданги орзуимнинг ушалишидир. Шунинг учун ҳам шартномам амалда бўлишига қарамай, бу трансфернинг амалга ошишига рухсат берган «Лейпциг» раҳбариятига алоҳида раҳмат айтаман.
Мухлисларга ҳам чексиз миннатдорчилик билдираман. Илк кунданоқ кўрсатган қўллаб-қувватлашингиз, менга бўлган ишончингиз ва меҳрингиз мен учун беқиёс аҳамиятга эга бўлди. Буни сўз билан ифода этиш қийин.
Бугун ҳаётимнинг янги саҳифаси очилмоқда. Хайрлашиш ҳар доим оғир, аммо олдинда мени кутаётган янги чақириқларни интизорлик билан кутяпман. «Лейпциг»да ўтказган давримни эса доимо катта фахр билан эслайман. Бу клуб қалбимда ҳамиша алоҳида ўрин тутади. Мен унинг келажакдаги ўйинларини диққат билан кузатиб бораман. Ким билади, балки бир куни яна Чемпионлар лигасида учрашармиз», — деб ёзди Диоманде.
