«Монако» яримҳимоячи Магнес Аклиуш «ПСЖ»га ўтганидан кейин Париж клуби билан шартнома имзолаганидан сўнгги ҳис-туйғулари билан ўртоқлашди.
«ПСЖ» билан шартнома имзолаш мен учун улкан фахр. Мен Париж минтақасида вояга етганман ва бундай нуфузли клубга ўтиш мен ҳамда оилам учун жуда катта аҳамиятга эга. Менга билдирилган ишонч учун президент, Луиш Кампуш ва Луис Энрикега, шунингдек, шу йўлда мени қўллаб-қувватлаган барча инсонларга миннатдорчилик билдираман.
Бу либосни кийишни, ушбу буюк клубда янада ривожланишни ва мухлисларимиз олдида «ПСЖ» шарафини муносиб ҳимоя қилиш учун бор кучимни сарфлашни интиқлик билан кутяпман», — деди Аклиуш «ПСЖ» расмий сайтига.
Маълумот учун, Аклиуш «Монако» академияси тарбияланувчиси ҳисобланади. У асосий жамоа сафида 2022 йилнинг ёзидан буён тўп суриб келаётганди. Ўтган мавсумда ярим ҳимоячи барча турнирларда 43 та учрашувда иштирок этиб, 7 та гол ва 11 та голли узатмани амалга оширди.
