«ПСЖ» бош мураббийи Луис Энрике «Малёрка»га қарши ўртоқлик учрашувидаги 0:3 ҳисобидаги мағлубиятдан кейин ўз фикрлари билан ўртоқлашди.
«Бу ўйинга объектив баҳо бериш қийин. Биринчи бўлим қизиқарли ўтди. Биз хато қилдик ва бу рақибнинг иккинчи голига сабаб бўлди. Шундан кейин ўйин анча қийинлашди.
Шунга қарамай, кўрганларимдан мамнунман. Академиямиздан бир нечта ёш футболчилар жуда яхши ўйин кўрсатишди.
Бу баҳсда жисмоний ҳолатимизни яхшилаш устида ишладик. Албатта, бу биз истаган натижа эмас, аммо футбол шундай.
«ПСЖ»га қарши ўйнаш ҳар қандай жамоа учун катта мотивация ҳисобланади. Бу табиий ҳолат. Ҳозир мавсумолди тайёргарликнинг биринчи ҳафтасини ўтказяпмиз ва таркибимизда академиядан чиққан кўплаб футболчилар бор.
Улар жуда ёш футболчилар. Мен уларнинг ҳам маҳоратини, ҳам руҳий тайёргарлигини алоҳида таъкидламоқчиман.
Уч кундан кейин яна бир ўртоқлик учрашувини ўтказамиз. Миллий жамоалари сафида ўйнаган футболчиларимиз қайтиб келгач, жамоамизга ҳақиқий баҳо бериш имкониятига эга бўламиз», — деди Луис Энрике.
Мухлислар бу янгиликни Telegram’да муҳокама қилмоқда
Изоҳлар Telegram’да очилади