Африка футбол конфедерацияси (КАФ) ЖЧ ҳуқуқларининг бир қисмини хусусий инвесторларга сотиш режаси сабаб босим остида қолган FIFA президенти Жанни Инфантинони қўллаб-қувватлади.
«КАФ FIFA президенти Жанни Инфантино ва бош котиб Маттиас Графстрёмнинг қўшма баёнотини олқишлайди ва қўллаб-қувватлайди. КАФ Африка футболини ривожлантиришга асосий эътиборини қаратишда давом этади, федерация амалдаги бошқарув ва шаффофлик тамойилларига содиқлигини яна бир бор тасдиқлайди», — деди КАФ президенти Патрис Мотсепе.
Шунингдек, КАФ ижроия қўмитаси бир овоздан Инфантинони қўллаб-қувватлагани ва Африка футболига кўп йиллардан бери кўрсатиб келаётган ёрдами учун миннатдорчилик билдиргани қайд этилган. Алоҳида миннатдорчилик муваффақиятли деб топилган ЖЧ-2026 турнирини ташкил этгани учун билдирилди.
Аввалроқ Инфантино Жаҳон чемпионатининг тижорий ҳуқуқлари бир қисмини хусусий инвесторларга сотиш ташаббуси билан чиққан, бироқ кескин танқидлардан сўнг бу ғоядан воз кечган эди.
