«Барселона» форварди Ферран Торреснинг яқинда берган баёноти унинг клубдан кетишига туртки бўлиши мумкин. Бу ҳақда Mundo Deportivo нашри хабар берди.
26 ёшли футболчи «ПСЖ»нинг ўзига қизиқишини «яхши белги» деб атади. Шунингдек, у «кўк-анорранглилар» уни жамоада олиб қолишни истаса, тезроқ ҳаракат қилиши кераклигига ишора қилди.
Қайд этилишича, «Барселона» раҳбарияти ҳужумчининг бу сўзларини клубни тарк этиш истагига очиқ ишора сифатида қабул қилган. Энди каталонияликлар Торрес бўйича аниқ таклифларни кутмоқда.
Ҳозирда Ферран учун асосий даъвогар сифатида «ПСЖ» кўрилмоқда. «Барселона» раҳбарияти эса футболчи учун парижликлар катта маблағ таклиф қилишини кутяпти.
Мухлислар бу янгиликни Telegram’да муҳокама қилмоқда
Изоҳлар Telegram’да очилади