«Атлетико» Осимҳеннинг трансферидан воз кечди

«Галатасарой» ҳужумчиси Виктор Осимҳен ёзги трансфер ойнасида «Атлетико» клубига таклиф қилинган.

Marca нашри хабар беришича, нигериялик 27 ёшли футболчининг вакиллари «матрасчилар»га тахминан 75 миллион еврога сотиб олиш мумкинлигини маълум қилишган. Осимхеннинг ўзи эса Диего Симеоне жамоасига қўшилиш учун маошини камайтиришга ҳам тайёр бўлган.

Бироқ «Атлетико» музокараларни давом эттирмасликка қарор қилган. Мадрид клуби бундай трансфер учун етарли молиявий имкониятга эга эмаслигини, шунингдек, марказий ҳужумчи позициясида Хулиан Алваресга тўлиқ ишонишини билдирган.

Аввалроқ Осимҳеннинг хизматлари «Барселона», «Тоттенҳэм» ва «Арсенал»га ҳам таклиф қилинган.

Виктор ўтган мавсумда Туркия клуби сафида барча турнирларда 33 та ўйинда 22 та гол уриб, 8 ассистни қайд этган.