«Барселона» бош мураббийи Ҳанс-Дитер Флик клубнинг Хулиан Алварес трансфери борасидаги режаларига ойдинлик киритди.
Аргентиналик ҳужумчи аввалроқ Каталония клубига ўтиш истагини билдирган. «Атлетико» футболчини 150 миллион евро эвазига сотишга тайёр, бироқ уни «Барселона»га қўйиб юбориш вариантини истисно қилмоқда.
«Бу ҳақда гапиришни истамайман. Тушунишимча, ёки Хулиан билан шартнома имзолаймиз, ёки ҳеч кимни олмаймиз. Клубдаги вазиятдан хабардорман, биз бир нечта ажойиб трансферларни амалга оширдик.
Клуб келажак ҳақида ўйлаши керак. Мураббий сифатида мен ҳар доим кўпроқ нарсани хоҳлайман. Мен жамоамга тўлиқ ишонаман ва ечимларни излашимиз керак. Бизда ажойиб жамоа бор. Деку ўз ишини жуда яхши бажармоқда. Биз ҳозир ва кейинги 3–5 йил учун клубга нима яхшироқ бўлиши ҳақида ўйлаяпмиз. Клубда барқарорлик бўлишини хоҳлаймиз», — деди Флик «Атлетик»га қарши баҳс олдидан ўтказилган матбуот анжуманида.
Эслатиб ўтамиз, «Барселона» Испания чемпионатидаги янги мавсумни «Элче» устидан 5:0 ҳисобидаги йирик ғалаба билан бошлади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади