«Реал Сосиедад» «Барселона» ҳимоячиси Эктор Форт трансфери бўйича тўлиқ оғзаки келишувга эришди. Бу ҳақда инсайдер Фабрицио Романо хабар берди.
Трансфер суммаси 8 миллион еврони ташкил қилади. Келишувга «Барселона» учун футболчининг кейинги трансферидан 50 фоиз улуш ҳамда тахминан 20 миллион евролик қайта сотиб олиш банди киритилган. Шу орқали каталонияликлар футболчи устидан келажакдаги назоратини сақлаб қолади.
Маълумот учун, 19 ёшли Форт «Барселона» академияси тарбияланувчиси ҳисобланади. У асосий жамоа сафида ҳам майдонга тушган.
