«Бетис» Испания чемпионатининг 2-турида «Валенсия» устидан ғалаба қозонди. Ушбу натижа жамоа бош мураббийи Мануел Пеллегрини учун Ла Лигадаги юбилей 100-ғалаба бўлди.
Пеллегрини «Бетис» тарихида Испания чемпионатида 100 та ғалабага эришган ягона мураббийга айланди. Мутахассис бу натижани қайд этиш учун жамоа бошқарувида 230 та учрашув ўтказди.
Эслатиб ўтамиз, «Бетис» навбатдаги турда сафарда «Леванте»га қарши майдонга тушади. Шундан сўнг Пеллегрини шогирдларини Мадриднинг «Реал»ига қарши қийин баҳс кутиб турибди.
Маълумот учун, «Бетис» ўз тарихида Испания чемпионлигини фақат бир марта қўлга киритган. Бу 1935-йилда содир бўлган.
