«Барселона» бош мураббийи Ҳанси Флик жамоанинг кетма-кет учинчи чемпионликни қўлга киритиш мақсадлари ҳақида фикр билдирди. Шунингдек, мутахассис вингер Ламин Ямалнинг жароҳати борасида ҳам гапирди.
«Унинг соғлиғи билан боғлиқ айрим муаммолари бор эди. Ламин уч ҳафта таътилда бўлди, кейин эса атиги бир неча кун машғулот ўтказди. Шунинг учун энг яхши ҳолатини кўрсата олмади. Унинг оптимал формага қайтишига ёрдам беришимиз керак. «Элче»га қарши ўйинда 60 дақиқа ўйнагани ва дастлабки икки голда иштирок этганидан хурсандман.
Ҳақиқий чемпион яна янги мақсадларни кўзлайди. Айнан шундай кайфият бўлиши керак. Барча футболчиларда ғалабага иштиёқ ва чемпионликни кетма-кет учинчи марта қўлга киритиш истаги бор. Бу фантастик натижа бўлар эди. Шуни аниқ айта оламанки, биз айнан учинчи чемпионли сари курашишга тайёрмиз», — дея Фликнинг сўзларидан келтиради Marca нашри.
