«Галатасарой» клуби «Милан» вингери Рафаэл Леау учун курашни давом эттирмоқда. Бу ҳақда инсайдер Фабрицио Романо хабар берди.
Манбага кўра, Туркия клуби португалиялик футболчи билан шахсий шартнома шартларини келишиб олган. Шунингдек, «Милан»га яхишланган қийматни таклиф қилади.
Қайд этилишича, «россонери» Леау бўйича 50 миллион еврога яқин таклифни кутмоқда.
Аввалроқ «Галатасарой» Рафаэл учун 35 миллион евро таклиф қилган. Бироқ клуб буни рад этганди.
Маълумот учун, Леау 2019 йилдан буён «Милан»да ўйнаб келмоқда. Футболчи фаолияти давомида «Спортинг» ва «Лилл» жамоаларида ҳам ўйнаган.
