«Галатасарой» россиялик яримҳимоячи Батраковни сотиб олди

Алексей Батраков «Локомотив»дан «Галатасарой»га ўтди.

Москваликлар Россия миллий жамоасининг 21 ёшли яримҳимоячисининг трансферини клуб тарихидаги рекорд даражадаги қиймат эвазига амалга оширганини маълум қилишди.

Хабарларга кўра, «темирйўлчилар» 25 миллион евро олишаади — бу маблағ икки йил давомида тўланади. Шунингдек, 4 миллион евро миқдорида бонуслар ҳам кўзда тутилган.

Батраковнинг «Галатасарой»даги маоши бонуслар билан бирга ҳар мавсум учун 4 миллион евродан кўпроқни ташкил қилади. Европа клублари учун унинг товон пули 55 миллион евро этиб белгиланган.

Яримҳимоячи РПЛнинг ушбу мавсумида 4 та баҳсда майдонга тушиб, 1 та гол урди ва яна 1 та голли узатмани амалга оширди. Ўтган мавсумда эса 28 та ўйинда 13 та гол ва 9 та ассистни ўз ҳисобига ёздириб қўйган.