Халқаро футбол федерацияси (ФИФА) интизом қўмитаси Аргентина футбол ассоциациясини (АФА) ЖЧ-2022 финалидаги қоидабузарликлар учун 321 минг АҚШ доллари (275 минг евро) миқдорида жаримага тортди. Шунингдек, «албиселесте» яқин икки уй учрашувини 50 фоиз чекланган миқдордаги томошабинлар билан ўтказади.
Баёнотда таъкидланишича, 321 минг доллардан 100 минг доллари (85 минг евро) камситишларга қарши курашга йўналтирилиши лозим. Айни пайтда санкцияларнинг бир қисми (100 минг доллар жарима ва томошабинлар сони чекланган битта ўйин) синов муддати шарти билан тўхтатиб турилган.
Маълумот учун, Жаҳон чемпионати финалидан сўнг Аргентина миллий жамоасининг бир неча футболчиси, жумладан, Леандро Паредес, Тяго Алмада, Науэл Молиналар испан футболчилари билан келишмовчиликда қатнашган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади