Туриннинг «Ювентус» клуби расмий сайтида яримҳимоячи Артур Мело жамоани тарк этганини расман эълон қилди. Томонлар ўзаро келишувга кўра, битимни муддатидан аввал бекор қилишди. Бразилиялик эндиликда эркин агентга айланди.
«Артурнинг шартномаси ҳар икки томоннинг келишувига кўра, бекор қилинди. Унга келажакда омад тилаймиз!» — дейилади хабарда.
Эслатиб ўтамиз, Мело «Гремио» клуби академияси тарбияланувчиси ҳисобланади. Футболчи 2010 - 2018 йиллар мобайнида бразилия клуби тизимида тўп тепган. Бундан ташқари у «Барселона», «Ливерпул» ва «Фиорентина» клублари сафида ҳаракат қилган. Ўтган мавсум Мело «Гремио» сафида ижара асосида тўп тепди.
«Ювентус» сафида 30 ёшли хавбек умумий ҳисобда 63 та ўйинда (1 та гол урди ва 1 та голли узатма етказиб берди) майдонга тушган.
Transfermarkt портали хавбекнинг актуал трансфер нархини 4 млн еврога баҳоламоқда.
