«Ювентус» клуби яримҳимоячи Артур Мело билан шартномани муддатидан олдин бекор қилиши мумкин. Бу ҳақда инсайдер Фабрицио Романо хабар берди.
Манбага кўра, Турин клуби бразилиялик футболчига муддатидан олдин бекор қилиш имкониятини таклиф қилган. Томонлар айни пайтда ушбу масалани муҳокама қилмоқда. Агар келишув август ойи охирига қадар расмийлаштирилса, Артур «Ювентус»ни эркин агент мақомида тарк этиши кутилмоқда.
Маълумот учун, Артур 2022 йилдан бери «зебралар»да бирорта ҳам расмий ўйин ўтказмаган. Футболчи сўнгги йилларда «Ливерпул», «Фиорентина», «Жирона» ҳамда «Гремио» клубларида ижара асосида ҳаракат қилди.
Артурнинг «Ювентус» билан амалдаги шартномаси 2027 йил июнига қадар мўлжалланган.
