«Галатасарой» клуби «Лейпциг» ҳужумчиси Конрад Хардерни ижарага олиш имкониятини кўриб чиқмоқда. Бу ҳақда Sky Germany журналисти Флориан Плеттенберг хабар берди.
Манбага кўра, Туркия клуби даниялик 21 ёшли футболчини кейинчалик сотиб олиш ҳуқуқи билан ўз сафига қўшиб олмоқчи.
Туркия клуби Мауро Икарди тарк этганидан кейин янги марказий ҳужумчи излаш ишларини тезлаштирган.
Маълумот учун, Хардер ўтган ёзда «Спортинг»дан «буқалар»га кўчиб ўтган эди. Конрад Бундеслигада 29 та ўйинда 3 та гол ва 3 та голли узатма қайд этди.
