«Кристал Пэлас» Исмаила Саррнинг келажаги борасида ноаниқликка дуч келди. 28 ёшли сенегаллик ҳужумчи Пер Сажи қўл остидаги жамоа билан машғулот ўтказишдан бош тортгани ва «Галатасарой»га ўтишни истаётгани сабаб «Эвертон»га қарши баҳсда майдонга тушишни хоҳламаётгани айтилмоқда.
«Вазият идеал ҳолатдан анча йироқ. Туркиядаги трансфер ойнаси Англиядагидан кечроқ ёпилади, шу сабабли бу масала чўзилиб кетиши мумкин. Менимча, вазиятга аниқлик киритиш керак, чунки трансфер ойнасининг бундай кеч босқичида Сарр ҳеч қандай пул эвазига сотилмайди. У сентябр охиригача ўйнамаслигига ҳам тайёр туришимиз керак», — дея инсайдерининг сўзларини келтиради Wе are Pelace.
«Галатасарой» аллақачон Сарр бўйича таклиф юборган, бироқ «Кристал Пэлас» футболчини қўйиб юборишни истамаяпти.
Эслатиб ўтамиз, Сарр ўтган мавсумда «Кристал Пэлас» сафида 45 та баҳсда 21 та гол уриб, жамоанинг энг яхши тўпурари бўлган. Шунингдек, у Конференциялар Лигаси «Олтин бутса» совринини қўлга киритган.
