«Атлетико» клуби раҳбарияти ҳужумчиси Хулиан Алвареснинг «Барселона»га эҳтимолий трансфер ҳақидаги чўзилиб кетган миш-мишлар фонида вазиятга ойдинлик киритди.
«Футболчи вазиятда жабрланувчи сифатида кўрсатилмоқда, аммо Хулиан билан боғлиқ вазиятдаги ягона жабрланувчи — биз. Унинг «Барселона»га сотилиши эҳтимоли 0 фоиз. Бу ерда гап пулда эмас, балки қадр-қиммат ҳақида кетмоқда», — дея «матрасчилар»нинг манбасига таяниб, Marca хабар бермоқда.
Аввалроқ «Атлетико» «Барселона»нинг ҳужумчи трансфери бўйича бир нечта таклифини рад этгани хабар қилинган эди. Алвареснинг ўзи эса каталонияликлар клубига ўтишни истамоқда.
