«Атлетико» клуби «Ювентус» ҳужумчиси Жонатан Дэвиднинг трансфер имкониятарини ўрганмоқда. Бу ҳақда инсайдер Фабрицио Романо хабар берди.
Манбага кўра, Мадрид клуби канадалик 26 ёшли ҳужумчининг трансфер шартлари бўйича Турин жамоасига сўров юборган.
Ҳозирча томонлар ўртасида расмий музокаралар бошланмаган. Бироқ клуб «зебралар» билан боғланиб, трансфер шартлари ҳақида маълумот олган.
Маълумот учун, Девид 2025 йилнинг ёзида «Лилл»дан «Ювентус»га ўтганди. Бу вақт давомида барча турнирлар доирасида 44 та беллашувда майдонга тушиб, 5 та гол урган ва 8 та ассистни қайд этган.
