«Арсенал» ҳужумчи Хулиан Алвареснинг «Атлетико»даги вазиятини диққат билан кузатмоқда. Инсайдер Фабрицио Романонинг ёзишича, Лондон клуби мадридликлар билан трансфер суммаси бўйича келишувга эриша олишига ишонмоқда.
Бироқ «Арсенал» футболчининг ўзи трансферга ижобий қараш билдирган тақдирдагина расмий таклиф билан чиқади. Алвареснинг позицияси бу борада асосий омил бўлади.
Ҳозирча аргентиналик ҳужумчининг устувор танлови «Барселона» бўлиб қолмоқда. Шу сабабли «Арсенал» футболчининг позицияси ўзгаришини кутмоқда.
Маълумот учун, Алвареснинг «Атлетико» билан амалдаги шартномаси 2030 йилгача мўлжалланган. Испания клуби уни жамоада олиб қолишни истамоқда.
