«Атлетико» энди ҳужумчи Хулиан Алваресни сотиш вариантини истисно қилмаяпти. Бу ҳақда The Athletic хабар берди.
Қайд этилишича, «Атлетико» 150 миллион евродан бошланадиган таклифларни кўриб чиқишга тайёр. Бироқ Алваресни «Барселона» ёки июн ойида футболчига қизиқиш билдирганини маълум қилган «Реал»га сотиш варианти истисно қилинган.
«Арсенал» ҳужумчини анчадан бери ўз сафига қўшиб олишга қизиқиш билдирмоқда, аммо Мадрид клуби раҳбарияти «тўпчилар» талаб қилинаётган суммани таклиф қилишига ишонмаяпти.
Бундан ташқари, Алвареснинг розилигисиз «Арсенал» билан келишув амалга ошмайди. Хулиан эса ҳамон «Барселона»га ўтишни хоҳламоқда.
Аввалроқ «Атлетико» Алварес бўйича «Арсенал» билан музокара ўтказишга рози экани маълум қилинганди.
