UFC ярим енгил вазн тоифасидаги россиялик жангчи Мовсар Евлоев дивизион чемпиони Александр Волкановскига қарши жангда ёмон натижа кўрсатса, фаолиятини якунлаши ҳақидаги гапларига муносабат билдирди.
«Худди шундай бўлади. Бу ҳақдаги гаплар тўғри. Агар ютқазсам, фаолиятимни якунлашга тайёрман», — деб жавоб берди Евлоев.
Маълумот ўрнида, Волкановски ва Евлоев 24 октябр куни Абу-Дабида бўлиб ўтадиган UFC 333 турнирида чемпионлик камари учун жанг қилади. Евлоев учун бу фаолиятидаги биринчи чемпионлик жанги бўлади.
