«Атлетико» дарвозабони Ян Облак Хулиан Алварес атрофидаги вазият ҳақида фикр билдирди.
«Менимча, барчамиз бирлашишимиз керак. Хулиан биз билан ва у биз билан экан, биз уни қўллаб-қувватлаймиз.
Бу ҳамма учун ёқимсиз вазият. Лекин умид қиламанки, бу масала ҳал бўлади ва бутун мавсум давомида барчамиз бир бутун бўлиб қоламиз», — деди Облак.
Аргентиналик ҳужумчи Ла Лига 2-турида «Вилярреал»га қарши ўйиннинг (2:2) иккинчи бўлимида захирадан майдонга тушди.
Мухлислар Алварес тўпга ҳар сафар текканда уни ҳуштакбозлик билан қарши олишди. Шунингдек, унга нисбатан «бутунлай кетсин!» дея ҳайқиришди.
Учрашув бошланишидан олдин ҳам Хулианнинг номи бошқа футболчилар билан бирга эълон қилинганида, мухлислар уни қаттиқ ҳуштакбозлик билан қарши олди. Якуний ҳуштакдан сўнг Алварес жамоа билан бирга трибуна томон бормади ва дарҳол кийиниш хонасига йўл олди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади