Куни кеча «Ал Қодисия» сафига бориб қўшилган яримҳимоячи Тижани Рейндерснинг отаси Мартин Рейндерс ўғлининг «Манчестер Сити»дан кетиши ҳақида гапирди.
«Биз «Атлетико»га ўтмоқчи эдик. Улар жиддий қизиқиш билдиришган эди, аммо кейин музокарани тарк этишди. Уларда бундай йирик трансферни амалга ошириш имкони йўқ эди. «Ювентус» ва «Галатасарой» фақатгина ижара таклиф қилишди. Биз икки марта «Ал Қодисия» таклифини рад этдик, бироқ улар учинчи марта барчасини қандай кўраётганликлари ҳақидаги тақдимот билан қайтишганида, барчаси ўзгарди. «Ал Қодисия» Осиёнинг энг катта жамоасига айланишни мақсад қилган», — деди футболчининг отаси AD.nlга берган интервюсида.
Эслатиб ўтамиз, ёзги трансфер ойнаси вақтида Саудия Арабистони клуби 28 ёшли Рейндерсни «Манчестер Сити»дан сотиб олди ва бу трансферга 60 миллион евродан зиёдроқ маблағ сарфлади. Нидерландиялик клуб билан яна 1 йилга узайтириш имконияти билан 4 йиллик битим имзолади.
