Чоршанба, 26 август куни «Манчестер Сити» Марокаш миллий жамоаси марказий яримҳимоячиси Айюб Буадди билан 5 йиллик битим имзолаганини расман эълон қилди.
Инглиз клуби спорт директори Угу Виана «Манчестер Сити»нинг янги аъзоси, 18 ёшли футболчи ҳақида фикрлари билан ўртоқлашди.
«Айюбнинг салоҳияти ўта юқори – унда топ яримҳимоячи учун керакли барча ҳислатлар мавжуд. У эндигина 18 ёшда, аммо ҳозирнинг ўзидаёқ ўта юқори футбол интеллектини намойиш қилмоқда. Маресканинг қўл остида у фақатгина ўсади», - деди Виана.
Эслатиб ўтамиз, Буадди ўтган мавсум «Лилл» сафида ҳаракат қилган. Клуб сафидаги 42 ўйинда хавбек 1 та голли узатма етказиб берди.
