«Челси» клуби «Борнмут» яримҳимоячиси Алекс Скоттни трансфер қилиш бўйича янги таклиф тайёрламоқда. Бу ҳақда журналист Бен Жейкобс хабар берди.
Манбага кўра, Лондон клуби 22 ёшли футболчини таркибига қўшиш бўйича музокараларни давом эттирмоқда.
Аввалроқ «кўклар» Скотт учун таклиф билан чиққан, бироқ «Борнмут»нинг талабларини қондира олмаган. Энди лондонликлар футболчи бўйича яхшиланган таклиф тайёрлашни режалаштирмоқда.
Маълумот учун, Алекс 2023 йилда «Бристол Сити»дан «Борнмут»га кўчиб ўтган. Унинг амалдаги шартномаси 2028 йилгача мўлжалланган.
