"Chelsi" klubi "Bornmut" yarimhimoyachisi Aleks Skottni transfer qilish bo'yicha yangi taklif tayyorlamoqda. Bu haqda jurnalist Ben Jeykobs xabar berdi.
Manbaga ko'ra, London klubi 22 yoshli futbolchini tarkibiga qo'shish bo'yicha muzokaralarni davom ettirmoqda.
Avvalroq "ko'klar" Skott uchun taklif bilan chiqqan, biroq "Bornmut"ning talablarini qondira olmagan. Endi londonliklar futbolchi bo'yicha yaxshilangan taklif tayyorlashni rejalashtirmoqda.
Ma'lumot uchun, Aleks 2023 yilda "Bristol Siti"dan "Bornmut"ga ko'chib o'tgan. Uning amaldagi shartnomasi 2028 yilgacha mo'ljallangan.
