Франция миллий жамоаси бош мураббийи Дидие Дешам жаҳон чемпионати-2026 гуруҳ босқичи 1-тур доирасидаги Сенегалга қарши баҳсдан кейин (3:1) ҳужумчи Килиан Мбаппе ҳақида гапирди.
Маълумот учун, ўйинда Мбаппе жамоасининг иккита голига муаллифлик қилди
«Нима бўлганда ҳам, у менга ўртоқлик ўйинларида гол уришни унчалик ҳам истамаслиги айтди. У жаҳон чемпионати финал босқич баҳсларида гол уришни истайди, сабаби ушбу голларнинг ўзгача аҳамияти бор», — дея Дешам сўзларидан иқтибос келтирди BeFootball.
Сенегал дарвозасига йўлланган голлардан кейин Мбаппе миллий жамоа тарихидаги энг яхши тўпурарга айланди. Унинг ҳисобида 99 ўйинда 58 та гол бор.
Эслатиб ўтамиз, 2-турда Франция миллий жамоаси 23 июн куни Ироқ билан баҳс олиб боради, 3-турда эса — Норвегия билан (26 июн).
