«Манчестер Юнайтед» сардори Бруну Фернандеш нега ўтган ёзда жамоани тарк этмаганини изоҳлади.
«Бу садоқат масаласи эмас. Мен икки-уч йил олдин ҳам кетишим мумкин эди, лекин бу ерда бўлиш менга ёқади. Бу ерда муваффақиятга эришиш бошқа ҳеч қайси клубдагига ўхшамайди. Мен «Манчестер Юнайтед» билан АПЛ ва Чемпионлар лигасини ютмоқчиман.
Мухлисларнинг бу клубни қанчалик севишини биламан. Ҳаммамиз бир қайиқдамиз ва мен унинг олдинга юришини хоҳлайман.
Ҳа, биз кубоклар ютдик, лекин бу етарли эмас. Мен ҳали орзуларимни амалга оширмадим. Бу осон бўлмайди, лекин мен шу ерда эканман ва имкон бор экан, ҳаракат қилишда давом этаман», - деди португалиялик футболчи Goal нашрига.
Маълумот учун, «Манчестер Юнайтед» АПЛ турнир жадвалида 34-турдан сўнг 61 очко билан 3-ўринда бормоқда.
