«Ювентус» «Манчестер Юнайтед» яримҳимоячиси Бруну Фернандешга қизиқиш билдирмоқда. Бу ҳақда Caught Offside хабар берди.
Туринликлар раҳбарияти жамоанинг техник салоҳиятини оширишни мақсад қилган. Шу сабаб клуб 31 ёшли футболчи атрофидаги вазиятни унинг вакиллари билан муҳокама қилган.
Шу билан бирга, «қизил иблислар» Фернандеш трансфери учун 50–75 миллион евро талаб қилиши мумкин. Бу сумма футболчининг юқори маоши билан биргаликда унинг Туринга кўчиб ўтишига тўсқинлик қилиши мумкин.
Маълумот ўрнида, португалиялик яримҳимоячи 2020 йил январ ойидан буён «Манчестер Юнайтед» сафида тўп тепиб келмоқда. Аввалроқ Роналду «Ан Наср»га Фернандешни олиб келмоқчи экани маълум қилинганди.
