«Барселона» яримҳимоячи Френки де Йонгни сотишга тайёр. Бу ҳақда журналист Жерар Ромеро хабар берди.
Каталонияликлар бош мураббийи Ҳанс-Дитер Флик футболчининг сўнгги ўйинлари ва жамоадаги ролига юқори баҳо бермаяпти. 23 июл куни «Барселона» де Йонг тиззасининг ички ён боғлами узилганини расман маълум қилди.
Қайд этилишича, яримҳимоячининг тикланиш муддати танланган даволаш усулига қараб бир неча ҳафтадан бир неча ойгача давом этиши мумкин.
Маълумот ўрнида, Френки 2019 йил ёзидан буён «Барселона» сафида тўп тепиб келмоқда. Шу вақт ичида у барча мусобақаларда 297 та учрашувда иштирок этиб, 20 гол урди ва 31 ассист амалга оширди.
Аввалроқ де Йонг «Барселона»дан кетиши мумкинлиги ҳақидаги миш-мишларга жавоб бериб ўтганди.
