«Манчестер Сити» ҳимоячиси Абдуқодир Ҳусанов клуб билан янги шартнома имзолаганидан кейин ўз фикрлари билан ўртоқлашди.
«Бу мен ва оилам учун ажойиб кун. «Манчестер Сити»да шартномамни узайтирганимдан жуда хурсандман.
Манчестерга келганимдан бери ҳар бир дақиқадан завқ олдим. Футболчи сифатида ўсиб бораётганимни ва жуда кўп нарсани ўрганаётганимни ҳис қиляпман.
Энди олдимда янги вазифа турибди — Энцо Мареска ва унинг мураббийлар штабида яхши таассурот қолдириш ҳамда асосий таркибдан мустаҳкам ўрин эгаллаш. Бунинг учун бор кучим билан ҳаракат қиламан.
«Манчестер Сити» мухлисларига қўллаб-қувватлаганлари учун катта раҳмат. Англия ва АПЛга мослашиш жараёнида бу мен учун жуда муҳим бўлди. Энди эса фақат олдинга интиламан.
Клуб энг юқори натижаларга эришиши учун қўлимдан келган барча ишни қилишга тайёрман», — деди Ҳусанов «Манчестер Сити» расмий сайтига берган интервюсида.
Мухлислар бу янгиликни Telegram’да муҳокама қилмоқда
Изоҳлар Telegram’да очилади