«Бавария» бош директори Ян-Кристиан Дризен 2025/2026-йилги мавсумда УЕФА Чемпионлар лигаси яримфиналида Франциянинг «ПСЖ» жамоасига мағлуб бўлганини ёдга олди.
«Ҳаммаси бошқача бўлиши мумкин эди. Биз ҳар мавсумда Чемпионлар лигаси кубогини қўлга киритишга умид қила олмаймиз. Аммо бу соврин ҳар доим бизнинг мақсадимиз бўлиб қолаверади» - дея Дризен сўзларидан иқтибос келтиради Киcкер.
Эслатиб ўтамиз, Чемпионлар лигасининг ўтган мавсумида «Бавария» икки ўйин натижасига кўра «ПСЖ»га имкониятни бой берганди. Биринчи баҳсда Венсан Компани шогирдлари 4:5 ҳисобида мағлуб бўлишди, жавоб учрашуви эса 1:1 ҳисобида якунланди.
Маълумот учун, Париж клуби ЕЧЛ финалида Лондоннинг «Арсенал» жамоасини пеналтилар сериясида мағлубиятга учратди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади