«Барселона» раҳбари Жоан Лапорта каталонияликларнинг янги мавсумдаги мақсадлари ҳақида фикр билдирди. Клуб президенти жамоа барча асосий мусобақаларда ғалаба қозонишни кўзлаётганини таъкидлади.
«Биз ҳаммасини ютишни мақсад қилганмиз: кетма-кет учинчи Ла Лига чемпионлигини қўлга киритиш, Испания Кубогида ғалаба қозониш, УEФА Чемпионлар лигаси ва Суперкубокни ютиш. Ишончим комилки, буларнинг барчасига эриша оламиз. Биз дунёдаги энг яхши кўп тармоқли спорт клуби ҳисобланамиз. Бундай миқдордаги Чемпионлар лигаси совринларига эга бошқа клуб йўқ», — дея Лапортанинг сўзларини Маrcа нашри келтирди.
Лапортанинг таъкидлашича, «Барселона» мавсумни юқори мақсадлар билан давом эттирмоқда. Каталония клуби ички чемпионатдаги натижаларини ҳам яхшилашга ҳаракат қилмоқда.
«Барселона» жамоаси ушбу мавсумда Ла Лига, Испания Кубоги ва Чемпионлар лигасида муваффақиятли иштирок этишни мақсад қилган. Лапорта эса клубнинг барча мусобақаларда соврин учун курашишини кутаётганини билдирди.
Маълумот учун, Испания чемпионатининг дастлабки олти туридан сўнг «Барселона» 18 очко жамғарган ва турнир жадвалида биринчи ўринни эгаллаб турибди. Жамоа иккинчи поғонадаги Мадриднинг «Реал» клубидан 3 очко олдинда бормоқда.
