«Арсенал» бош мураббийи Микел Артета «Атлетико»га қарши Чемпионлар Лигаси доирасидаги ўйин олдидан матбуот анжуманида иштирок этди.
«Сабрсизлик билан кутяпман. Жамоа ичида ҳам, мухлислар орасида ҳам катта энергияни ҳис қиляпман.
Бу — биз бирга бошдан кечиришни истайдиган лаҳзалар. Клуб ва жамоа сифатида 20 йилдан сўнг яна шу босқичга қайтиш учун катта иш қилдик.
Биз ҳозир фақат ғалабага муносиб ўйин кўрсатишни ва финалга чиқишни хоҳлаймиз», — деди «тўпчилар» бош мураббийи.
Маълумот ўрнида, «Арсенал» — «Атлетико» ўйини 5 майдан 6 майга ўтар кечаси соат 00:00 да бошланади. Ўйинни германиялик Даниэл Зиберт бошчилигидаги ҳакамлар бригадаси бошқаради.
